4-anyos paslit, 5 pa naospital sa adobong aso

NAOSPITAL ang anim magkakamag-anak kabilang ang 4-anyos paslit makaraan kumain ng adobong aso sa Brgy. Pangoloan, San Carlos City, Pangasinan kamakalawa.

Kabilang ang adobong aso sa inihanda sa kaarawan ng isang apo.

Unang nahilo at sumuka ang 46-anyos na ina at ang 22-anyos anak niyang babae ay biglang sumakit ang tiyan makaraan kumain ng adobong aso.

Isinugod ang anim sa Pangasinan Provincial Hospital, at kinompirma ng ospital na nalason sila bagama’t hindi pa tukoy ang dahilan.

Sa ngayon, bumubuti na ang kondisyon ng anim na magkakamag-anak.