HATAW! D'yaryo ng Bayan hatawtabloid.com
TATLONG SABOG TIMBOG. Nadakip ng mga tauhan ni Sr. Insp. Robert Bunayug ang tatlong suspek na sina Zarwin Hernandez, Jeff Contreras, at Jerickson Castro, pawang sabog sa marijuana, habang lulan ng Mitsubishi Lancer sa kanto ng Adriatico St. at Malvar St, Ermita, Maynila makaraan magpaputok ng baril sa na-sabing lugar. (BONG SON)
ARESTADO ang tatlong lalaki makaraan magpaputok ng baril sa Ermita, Maynila kahapon.
Nakapiit na sa Ermita Police Station 5 ang mga suspek na sina Zerwin Hernandez, Jeff Contreras, at Jerickson Castro, pawang 21-anyos, residente ng Antipolo Street, Gagalangin, Tondo, Maynila.
Ayon kay Supt. Albert Barot, hepe ng Ermita Police Station 5, dakong 8 a.m. nang maaresto nina Senior Insp. Robert Bunayug, Pedro Gil PCP commander, SPO3 Benson Magpantay, PO3 Christopher Javonillo, at PO2 Canda Victor ang tatlong suspek lulan ng Mitsubishi Lancer (LES 333) sa Adriatico St. kanto ng Malvar St., Ermita, Maynila .
Nauna rito, nakatanggap ng tawag ang himpilan ng pulisya na may nagpaputok ng baril sa nasabing lugar.
Agad nagresponde ang mga awtoridad ngunit nang makita ang mga pulis ay mabilis na tumakas ang mga suspek lulan ng Mitsubishi Lancer.
Hinabol ng mga pulis ang mga suspek at nasukol sa sa kanto ng Adriatico at Malvar streets, sa Ermita, Maynila.
Nakompiska ng mga pulis mula kay Hernandez ang .45 kalibre ng baril at dalawang plastic sachet ng marijuana. (LEONARD BASILIO)
