HATAW! D'yaryo ng Bayan hatawtabloid.com
KIDAPAWAN CITY – Tatlo ang sugatan sa pagsabog dakong 7:05 p.m. kamakalawa sa lalawigan ng Cotabato.
Kinilala ang mga sugatan na sina Shiela Calambro, 16; Leo Caligayan, 34; at Nenita Calambro, 41, pawang mga residente ng Sitio Balisawan, Brgy. Tomado, Aleosan, North Cotabato.
Ayon kay Cotabato PNP provincial director, Senior Supt. Danilo Peralta, bumibili ng pagkain ang mga biktima sa isang tindahan na pagmamay-ari ng isang Ramil Cordero nang biglang hagisan ito ng granada ng dalawang hindi nakilalang mga suspek.
Dahil sa lakas ng pagsabog ay tinamaan ang mga biktima sa iba’t ibang parte ng kanilang katawan.
Mabilis na tumakas ang mga suspek lulan sa isang motorsiklo.
Ang mga biktima ay agad dinala sa Aleosan District Hospital.
Patuloy pang iniimbestigahan ng mga awtoridad ang insidente.
