Wanted na anak ni Napoles nasa PH pa rin — BI

NASA Filipinas pa rin si Jeane Catherine Napoles sa kabila nang hindi niya pagharap sa Court of Tax Appeals (CTA) kamakalawa na nagresulta sa paglalabas ng warrant of arrest laban sa kanya.

Ayon sa ulat ng Bureau of Immigration (BI), wala silang data na bumiyahe ang anak ni Janet Lim-Napoles sa mga nakalipas na buwan.

Gayonman, dahil sa umiiral na warrant of arrest, automatic na sa patakaran ng BI na bigyan ng kopya ang lahat ng mga paliparan at pantalan upang maalerto kung sakaling aalis ang nakababatang Napoles.

Si Jeane ay inaakusahang hindi nagbayad ng buwis sa kabila ng pagkakaroon nang hindi maipaliwanag na mga ari-arian sa Estados Unidos at maging sa Filipinas.