8-anyos birthday girl hinalay ng magsasaka

NAGA CITY – Imbes maging masaya, matinding takot ang bumalot sa kaarawan ng isang bata sa Unisan, Quezon kamakalawa.

Ito’y makaraan halayin ng isang magsasaka na hindi muna ipinasapubliko ang pangalan, ang 8-anyos biktima.

Ayon sa nakalap na impormasyon, binisita ng suspek ang biktima sa kanilang bahay sa kaarawan ng bata.

Ngunit nang magkaroon ng pagkakataon ay pinaghahalikan ng suspek ang bata at hinawakan ang pribadong bahagi ng katawan.

Gayonman, nang makaalis ang suspek, nagsumbong ang biktima sa kanyang mga magulang.

Ayon pa sa biktima, noong nakaraang taon ay minolestiya rin siya ng suspek at pinagbantaan pang papatayin oras na magsumbong sa mga awtoridad.

Kasong rape ang inihahanda ng mga awtoridad laban sa magsasaka na nananatiling nakalalaya.