9-anyos totoy kritikal sa hit & run

NAGA CITY – Kritikal ang kalagayan ng isang batang lalaki makaraan mabangga ng isang sasakyan sa bayan ng Ragay, Camarines Sur kamakalawa.

Kinilala ang biktimang si Jericho Toston, 9-anyos, ng nasabing lugar.

Napag-alaman, tatawid ang biktima sa kabilang kalsada nang mabangga ng paparating na SUV patungong northbound na direksyon.

Dahil dito, agad itinakbo sa Ragay District Hospital ang biktima ngunit inilipat sa Bicol Medical Center bunsod ng grabeng pinsala sa katawan.

Patuloy ang imbestigasyon ng mga awtoridad tungkol sa posibleng pagkakakilanlan sa suspek.