Suman con shabu vendor laglag sa buy-bust

LAGLAG sa buy-bust operation ng mga tauhan ng Manila Police District-Police Station 7 ang isang 35-anyos suman vendor na naglalako rin ng shabu kahapon ng madaling-araw sa Tondo, Maynila.

Nakapiit na sa nasabing himpilan ang suspek na si Analyn Tudla, ng Blk. 44, Lot 7, Sta. Maria, Bulacan.

Ayon kay Supt. Joel Villanueva, hepe ng MPD-PS7, dakong 4 a.m. nang madakip ni PO2 John Michael Belco na nagpanggap na poseur buyer, ang suspek sa Primero de Mayo St. kanto ng Molave St., Tondo sa inilatag na buy-bust operation.

Nabatid na ginagamit na front ng suspek sa paglalako ng shabu ang pagtitinda ng suman.

(LEONARD BASILIO, may dagdag na ulat sina MARY JOY SAWA-AN, DARWIN MACALLA, at JOSHUA MOYA)