Kelot itinumba sa gas station  

PATAY ang isang 42-anyos lalaki makaraan pagbabarilin ng hindi nakilalang suspek sa isang gasoline station sa panulukan ng Aragon at Lacson streets, sa Sta. Cruz, Maynila kahapon ng madaling-araw.

Binawian ng buhay habang isinusugod sa Jose Reyes Memorial Medical Center ang biktimang si Raymund Conde, residente ng 1054 Cebu St., Balic-balic, Sampaloc, Maynila.

Habang inaalam pa ang pagkakilanlan ng salarin na mabilis na tumakas makaraan ang insidente.

Ayon sa imbestigasyon ni SPO3 Glenzor Vallejo, ng Manila Police District-Homicide Section, dakong dakong 1:10 a.m. nang biglang pagbabarilin ng suspek ang biktima sa gasoline station sa nasabing lugar.

Isinugod sa pagamutan ang biktimang tinamaan ng apat na bala sa katawan ngunit binawian ng buhay.

Leonard Basilio