Dalagita tinurbo ng binatilyo

GUINAYANGAN, Quezon – Maagang nawasak ang puri ng isang 17-anyos dalagita makaraan gahasain ng 15-anyos binatilyo na kanyang kainoman sa nasabing bayan,

Sa ipinadalang report ng Guinayangan PNP sa Quezon Police Provincial Office (QPPO) sa Camp Guillermo Nakar sa Lucena City sa tanggapan ni Senior Supt. Ronaldo Genaro Ylagan, Quezon Police Provincial Director, dakong 10 p.m. noong Abril 19, nang malasing ang biktima sa pakikipag-inoman sa suspek kasama ng iba pang kabarkada sa isang kubo, nagpaalam ang dalagita na uuwi na sa kanilang bahay.

Ngunit nagmagandang-loob ang suspek na ihahatid ang biktima ngunit pagsapit nila sa madamong lugar ay niyakap siya ng suspek, sapilitang hinubaran at ginahasa.

Pagkaraan ay nagbanta ang suspek na may masamang mangyayari sa biktima kapag siya ay nagsumbong kahit na kanino.

Nitong Abril 25, nagpasya ang biktima na isumbong sa ina ang insidente.

Agad sinamahan ng ina ang biktima sa himpilan ng pulisya ngunit mabilis na tumakas ang suspek nang matunugang inireklamo siya ng dalagita.

Raffy Sarnate