Customs Chief  John Sevilla nagbitiw na

NAGBITIW na sa pwesto si Bureau of Customs (BoC) Commissioner John Phillip Sevilla.

Sa press conference sa Maynila, sinabi ni Sevilla na nakapagsumite na siya ng resignation letter kay Pangulong Benigno “Noynoy” Aquino III.

Matinding politika aniya sa Customs ang dahilan ng kanyang pagbibitiw.

Nagpasalamat si Sevilla sa mga empleyadong sumuporta sa kanyang mga kampanya.

Aminado si Sevilla na marami pang dapat ituwid sa BoC kasabay ng panawagan sa stakeholders na suportahan ang sino mang ipapalit sa kanya. 

Inirerespeto ni Secretary Cesar Purisima ng Department of Finance (DOF), ang desisyon ni Sevilla.

Nagpasalamat din siya sa mga ginawa ni Sevilla para sa ahensiya, na aniya’y malaki ang ipinagbago.