Lola patay sa QC fire

PATAY ang isang 65-anyos lola sa sunog na naganap sa Damayan Street, Brgy. Old Balara, Quezon City kahapon. 

Ayon kay F/Supt. Jesus Fernandez, kinilala ang biktimang si Ester Artaniel na hindi nakalabas sa kanyang bahay. 

Habang nasugatan sa insidente sina Ma. Corazon Zaldo at Jeffrey Lazibal.

Apektado ang 150 pamilya ng informal settlers sa sunog na sinasabing nagsimula sa bahay ng isang Ryan Lazibal.

Mabilis na kumalat ang apoy sa mga tirahang yari sa light materials dahilan para umabot sa ikatlong alarma ang sunog pasado 11 a.m.

Tinatayang nasa P250,000 ang halaga ng danyos sa sunog na naapula bago mag-12 p.m. kahapon.