HATAW! D'yaryo ng Bayan hatawtabloid.com
INAMIN ng bagong head coach ng Barangay Ginebra San Miguel na si Frankie Lim na kailangan ng maraming mga tune-up games ang Gin Kings para lalo sila masanay sa kanyang sistema.
Pinalitan ni Lim si Ato Agustin pagkatapos na matalo ang Ginebra kontra Rain or Shine sa quarterfinals ng PBA Commissioner’s Cup.
Ito ang unang beses na maging head coach si Lim sa PBA pagkatapos ng anim na taon niyang paghawak sa San Beda College sa NCAA.
“We’re not yet in tip-top shape, but we’re getting there,” wika ni Lim sa panayam ng www.spin.ph.
“Maganda naman ang execution nila (Gin Kings). And maganda naman ang tinatakbo so far, though, siguro four to five (practice) games pa before (the) start of the Governors Cup.”
Noong Sabado ay sumabak ang Ginebra sa unang tune-up game sa ilalim ni Lim nang tinalo nito ang Cebuana Lhuillier ng PBA D League, 100-89.
Wala pang Amerikanong import ang Ginebra ngunit nandito na sa bansa ang Asyanong import ng Kings na si Sanchir Tungala ng Mongolia.
“It’s more on execution ng plays and defense. Maganda naman ang nangyayari though malayo pa, pero siguro, given a few more weeks, medyo okay na kami,” ani Lim.
(James Ty III)
