Padyak driver todas sa bala

PATAY ang isang padyak driver makaraan barilin ng isa sa apat kalalakihang sakay ng dalawang motorsiklo habang nakatambay malapit sa kanilang bahay kahapon ng madaling araw sa Malabon City.

Agad binawian ng buhay ang biktimang kinilalang si Rogin Belo, alyas Moymoy, 20, residente ng 41 Estanyo St., Brgy. Tugatog ng nasabing lungsod.

Habang pinaghahanap ang apat hindi nakilalang mga suspek na mabilis na tumakas sakay ng dalawang hindi naplakahang motorsiklo. Batay sa ulat nina SPO2 Ananias Birad Jr., at PO2 Benjamin Sy, dakong 12:50 a.m. nang maganap ang insidente sa Estanyo St. kanto ng Mercuyo St. ng nasabing barangay.

(ROMMEL SALES)