HATAW! D'yaryo ng Bayan hatawtabloid.com
PATAY ang dalawang lalaki makaraan tadtarin ng bala mula sa kalibre .45 baril kahapon ng madaling-araw sa Paranaque City.
Namatay noon din sina Bernard Mortalla, 24, at Christian Podasas, 21, kapwa walang trabaho at residente ng Manalili St., Purok 3, Brgy. Central Bicutan, Taguig City.
Patuloy pang inaalam ng pulisya ang pagkakakilanlan ng suspek na mabilis na tumakas makaraan ang insidente.
Base sa inisyal na ulat na nakarating kay Paranaque City Police chief, Sr. Supt. Ariel L. Andrade, dakong 1:30 a.m. nang maganap ang insidente sa harap ng PNCC sa East Service Road, Brgy. San Martin De Porres ng naturang lungsod.
Narekober sa lugar ng insidente ang pitong bala ng kalibre .45 baril, isang itim na Nissan Cefiro (WLC-196), itim na Kawasaki Curve scooter (6152 OZ) at isang kalibre .38 baril na may bala.
(JAJA GARCIA)
