5 bata nalunod sa Pangasinan

WALA nang buhay nang matagpuan ang limang batang naligo sa ilog sa Brgy. Hacienda, Bugallon, Pangasinan kamakalawa.

Kinilala ni Chief Insp. Dominic Tobleto, hepe ng PNP-Bugallon, ang mga biktimang sina Rose Ann Ambos, 14; Nelson Ambos Jr., 12; Carlo Marco Ambos, 11; Christian Lee Salazar, 10; at Manuel Bugayong, 11.

Sa imbestigasyon, nag-picnic ang mga biktima kasama ang kanilang mga magulang at sila ay naligo sa ilog. Ngunit hindi na muling nakita ang mga bata. 

Pinaniniwalaang napunta sa malalim na bahagi ng ilog ang mga bata kaya nalunod.