Linta natagpuan sa lalamunan ng bata

Kinalap ni Tracy Cabrera

NABIGLA ang ilang doktor sa Tsina makaraan ang nakababahalang diskubre habang ginagamot ang isang batang lalaki sa pananakit ng kanyang lalamunan.

Dinala si Xiabo Chien ng kanyang ina sa isang doktor sa Sichuan Province matapos magreklamo ang bata ng pagkahilo sanhi ng kanyang sore throat.

Nang suriin ng mga doktor ang 11-anyos binatilyo, natagpuang nakakabit sa kanyang respiratory tract ang pitong sentimetrong linta.

Napagalaman na nalulon pala ni Xiabo ang linta nang walang kaalam-alam habang umiinom mula sa isang timba ng tubig na kanyang nakita sa tabi ng kalsada.

Hindi makapaniwala ang ina ng batang si Xiang Tung nang ipagbigay-alam sa kanya ng mga doktor ang sanhi ng sakit ng kanyang anak.

“Noong una akala namin may trangkaso lang siya dahil nga nahihilo siya at namamaga rin ang kanyang lalamunan,” salaysay ni Xiang sa CEN.

“Hindi rin niya sinabi sa amin tungkol sa pag-inom niya ng tubig kaya wala ka-ming iniisip na may nakuha siya na kung ano,” dagdag ng babae.

Matagumpay naming naalis ang linta at mabilis naman ang naging recovery ng binatilyo.

“Hindi na ako ulit iinom sa timba ng tubig,” pahayag ni Xiabo.