Habambuhay kay Napoles (Sa illegal detention kay Benhur Luy)

HINATULAN bilang guilty ng Makati Regional Trial Court si Janet Lim-Napoles dahil sa ilegal na pagdetine sa dating empleyado at kamag-anak na si Benhur Luy. 

Habambuhay na pagkabilanggo ang sentensiyang ipinataw ni Makati RTC Branch 150 Judge Elmo Alameda kay Napoles. 

Inutusan din si Napoles na bayaran si Luy ng P100,000.

Sa kasong serious illegal detention na isinampa ni Luy, iginiit niyang ikinulong siya ni Napoles sa loob ng tatlong buwan upang pigilin ang pagbubulgar ng multi-bilyong pork barrel scam na kinasasangkutan maging ng mga mambabatas.

Jaja Garcia