HATAW! D'yaryo ng Bayan hatawtabloid.com
GRANTS PASS, Ore. (AP) – Naniniwala ang amo ng pusa na maaaring nagamit ng kanyang alagang 17-pound Siamese cat na si Liam ang dalawa sa kanyang buhay makaraan makoryente sa power pole sa Grant Pass at mahulog mula sa 25 feet taas.
Sinabi ni Jennifer Kagay sa The Grants Pass Daily Courier (http://bit.ly/1DpyP6v ), siya at ang kanyang mister ay nakahiga sa kama nang makarinig sila ng “bang” at biglang nawalan ng koryente.
Agad silang lumabas at nakita ang kanilang pusa habang nakahandusay sa transformer sa itaas ng poste.
Nakahinga sila nang maluwag nang gumalaw si Liam ngunit muling nagulantang nang mahulog ang pusa mula sa 25 feet taas.
Habang nahuhulog ay nakakapit ang pusa sa linya ng koryente at bumagsak sa damuhan.
Mabilis na dinala ng mag-asawa sa beterinaryo ang pusa na maaaring putulan ng isang paa.
