Barko sa MOA nasunog

NILAMON ng apoy ang isang barkong nakadaong sa likod ng Mall of Asia (MOA) Arena sa Pasay nitong Linggo.

Halos natupok ang kabuuan ng barkong Doña Carmen sa sunog na sumiklab dakong 12:30 p.m.

Nadamay rin sa sunog ang katabing barracks ng isang contruction area.

Kuwento ni Vic Baldoza, construction worker na nakasaksi sa sunog, nagsimula ang apoy sa unahang bahagi ng barko.

Naging pahirapan ang pag-apula sa apoy nang maubusan ng tubig ang mga bomberong unang nagresponde sa lugar.

Walang nasugatan o namatay sa insidente.  Iniimbestigahan na ng mga awtoridad ang sanhi ng sunog.