Angkas na bebot utas sa ambush

BINAWIAN ng buhay ang isang 38-anyos babae makaraan barilin ng hindi nakilalang lalaking lulan ng motorsiklo habang angkas ang biktima ng isa pang motorsiklo kamakalawa ng gabi sa Road 10 malapit sa Lakandula St., Tondo, Maynila.

Kinilala ang biktimang si Loida Rabida, ng 1209 Madrid Extension, Tondo, Maynila, tinamaan ng bala sa kaliwang sentido.

Ayon sa imbestigasyon ni SPO3 Milbert Balinggan, ng Manila Police District-Homicide Section, naganap ang insidente dakong 9:10 p.m. sa nabanggit na lugar.

Nabatid na nakaangkas ang biktima sa motorsiklo ng kanyang kasama nang sundan ng motorsiklo ng suspek.

Pagsapit sa nabanggit na lugar ay malapitang binaril ng suspek ang biktima.

Inaalam pa ng pulisya kung may kinalaman sa pagbebenta ng ipinagbabawal na droga ang motibo sa  pagpatay sa biktima.

Leonard Basilio