5 naospital sa sunog sa hotel sa Makati

LIMA ang naospital makaraan masunog ang bahagi ng Discovery Primea Hotel sa Brgy. Urdaneta, Makati City nitong Sabado ng gabi.

Pawang na-suffocate nang makapal na usok mula sa nasusunog na basement ang maintenance workers na sina Roland Mangua, Marlon Agapito, Nathaniel Carlos, Archie Salmurin at ang security guard na si Ricardo Reyes. Sila ay isinugod sa Makati Medical Center.

Ayon kay Fire Marshall Supt. Ricardo Perdigon, nagsimula ang apoy sa Basement 4 pasa-do 10 p.m.

Umabot sa ikatlong alarma ang sunog bago ito naapula dakong 2 a.m. kahapon.

Iniimbestigahan ng mga awtoridad ang sanhi ng insidente habang wala pa ring pagtataya sa ha-laga ng pinsala.

Sa inilabas na paha-yag ng Discovery Primea, idiniin niyang nasunod ang mga emergency protocol at agad ding nailikas ang mga residente, guest at staff ng hotel para masiguro ang kanilang kaligtasan.

Jaja Garcia