Pasahero biniglang-liko taxi driver kalaboso

ILOILO CITY – Sinampahan ng attempted rape ang ng isang taxi driver makaraan tangkang i-check-in sa motel ang kanyang pasahero.

Ang insidente ay nangyari kamakalawa ng gabi nang magpahatid ang isang babaeng pasahero sa Villa Carolina sa Arevalo, Iloilo City.

Sa salaysay ng hindi na pinangalanang pasahero, nakatulog siya sa taxi at nagising na lamang na nasa garahe na sila ng motel at hinihipuan na ng taxi driver sa kanyang dibdib at nabuksan na rin ang zipper ng kanyang pantalon.

Depensa ng driver na itinago lamang sa pangalang alyas Noel, 43-anyos, dinala niya sa motel ang kanyang pasahero para makapagpahinga dahil hindi magising.

Aniya, wala siyang balak na masama laban sa biktima dahil panget at marami pang tattoo sa katawan.

Ngunit hindi pinaniwalaan ng mga pulis ang alibi ng driver kaya inaresto at nakakulong na ngayon sa Arevalo Police Station.