Panaginip mo, Interpret ko: Hot oil at isdang siyarsado

Good morning po,

Itatanung ko lng po sana kung anu ang ibig sabihin ng panaginip ko… kinuha ko po ang # mu sa Hataw tabloid website. Nanaginip po ako na hina hot oil ko ang buhok ko tapos habang binababad ko po ang buhok ko nakita ko may masarap na ulam na sarsyadong isda di ko lang malinaw masyado kung anung klaseng isda basta po nasarapan po ako. Senyor sana masagot mu po salamat

(09302627577)

To 09302627577,

Ang panaginip hinggil sa buhok ay may kaugnayan sa sexual virility, seduction, sensuality, vanity, and health. May kaugnayan din ito sa attitude. Ang pag-alis o pagputol ng buhok ay nagsa-suggest na ikaw nakararanas ng kawalan ng lakas o kaya naman, pakiwari mo ay may gustong pumigil sa mga nais mong gawin, sabihin, o isipin. Alternatively, maaaring ito ay senyales na gusto ng nananaginip na baguhin o pag-isipan ang ambisyon at mga bagay na gustong mangyari sa iyong buhay at alisin ang mga hindi kailangang pananaw sa buhay at pag-uugali. Ang literal na interpretasyon nito ay nagsasabi ng pagiging concern hinggil sa itsura at imahe.

Kung nanaginip naman na kumakain ng isda, ito’y simbolo ng iyong beliefs, spirituality, luck, energy at nourishment. Ito ay sagisag ng pagkain para sa kaluluwa. Kapag nanaginip ka naman na niluluto mo ang isda, ibig sabihin ay isinasama mo ang bagong katuparan na inaasam para sa iyong ispiritwal na damdamin at kaalaman. Naghahangad ka ng katuparan ng mga mithiin o pangarap, subalit dapat na magsikap mabuti at dagdagdan ang tiwala sa sariling abilidad o kakayahan. Kailangan din na huwag maging padalos-dalos sa mga gagawing desisyon, lalo na iyong napaka-importanteng mga bagay.

Señor H.