Lola, 4 apo patay sa sunog sa Bacolod (Magkakayakap nang matagpuan)

MAGKAKAYAKAP nang matagpuan ang sunog na bangkay ng isang 76-anyos na lola at apat niyang mga apo sa nasunog nilang bahay sa Brgy. 1, Bacolod City kahapon ng umaga.

Hindi nakalabas sa kanilang bahay ang lola na si Norma Pido at ang kanyang mga apo kabilang ang magkakapatid na sina Rachel Gale, 10; Chanel, 7; at Jonjon, 6; at pinsan nilang si Katrina Pido, 10-anyos, pawang mga residente ng Prk. Lison, Brgy. 1, Bacolod City.

Nakulong sa loob ng bahay ang mga biktima dahil sa bandang pintuan nagsimula ang apoy.

Pinaniniwalaang electrical short circuit ang sanhi ng sunog.

HATAW News Team