Pinay na biktima ng hit & run sa Dubai dumating na

DUMATING na sa bansa ang isang Filipina worker na nanatili nang dalawang taon sa ospital makaraan masagasaan at takbuhan ng suspek, at maparalisado sa Dubai noong 2013.

Bandang 4 p.m. nitong Huwebes (Marso 25) nang dumating sa Mactan Cebu International Airport ang naparalisang si Teresita Castro.        

Kasama ni Castro ang isang Filipina nurse na nagtatrabaho sa Dubai, at kabilang sa tumulong sa kanya.

Sa tulong ng isang grupo ng mga propesyonal na pawang taga-Asturias, isang bayan sa Cebu, at nagtatrabaho sa Filipinas at karamihan ay nasa ibang bansa, kaya nakauwi si Castro.

Sinalubong sila ng ilang kinatawan ng munisipyo ng Asturias dala ang ambulansiya na ginamit hanggang maihatid siya sa infirmary clinic sa kanilang bayan.

Ang Filipina ay may anim na anak at walang hanapbuhay ang kanyang mister.

Jaja Garcia