Aguinaldo bagong CoA chairman

ITINALAGA ni Pangulong Benigno Aquino III kahapon si Atty. Michael Aguinaldo bilang bagong chairman ng Commission on Audit (CoA) kapalit nang nagretirong si Grace Pulido-Tan.

Si Aguinaldo ay nagsilbing deputy executive secretary for legal affairs mula noong Abril 2011.

Kabilang sa mga naging trabaho niya sa Palasyo ang pagrepaso sa mga panukalang batas sa Kongreso at kasong administratibo na iniapela sa Office of the President (OP).

Isa rin si Aguinaldo sa mga nagbibigay ng legal na payo kay Pangulong Aquino.

Naging propesor si Aguinaldo sa Ateneo Law School habang sa De La Salle University nagtapos ng kursong Philosphy.

Sa Ateneo siya nagtapos ng Law at 7th placer sa bar exams noong 1993. Nakuha niya ang Masters of Law Degree sa University of Michigan noong 1997.

Bago pumasok sa gobyerno, nanggaling siya sa Romulo Mabanta Buenaventura Sayoc & Delos Angeles Law Office.

Rose Novenario