8 manyak pila-balde sa dalagita

MAAGANG napariwara ang puri ng isang 15-anyos dalagita makaraan halinhinang gahasain ng walong kabataan sa isang abandonadong kubo sa Brgy. Parada, Sta. Maria, Bulacan kamakalawa ng madaling araw.

Agad naaresto ng pulisya ang mga suspek na sina Jaymark Alfonte, 18; Ariel Cierva, 22; Albert Cierva, 21; Rowell Capistrano, 21; Resty Talangan, 20; Delfin Beraquit, 19; at  dalawang menor de edad na lalaki, pawang nakatira sa M. Santiago Street sa naturang barangay.

Sa ulat mula kay PO2 Junelyn Dela Cruz ng Sta. Maria PNP Women’s and Children’s Complaint Desk , magkasamang nag-iinoman ang mga suspek nang alukin ang biktima na noon ay naglalakad.

Nabatid na dahil kakilala, pinagbigyan ng biktima ang alok ng mga suspek na maki­pag-inoman hanggang makaramdam ng pagkahilo makaraan ang ilang tagay ng alak.

Sinamantala ng suspek na si Alfonte ang pagkahilo ng dalagita, dinala siya sa abandonadong kubo at ginahasa ang biktima. Nang matapos si Alfonte ay sumunod na gumahasa sa biktima ang iba pang mga suspek.

Pagkaraan ay iniwanan ng mga suspek sa kubo ang biktima na iika-ikang umuwi ng bahay at nagsumbong sa tiyahin na siyang nagdala sa kanya sa himpilan ng pulisya at naghain ng reklamo.

Micka Bautista