LRT operation ititigil sa Semana Santa

PANSAMANTALANG ititigil ang operasyon ng Light Rail Transit (LRT ) Line 1 at Line 2 sa Semana Santa (Abril 2 hanggang Abril 5), pahayag ng pamunuan ng LRTA kahapon.

Sinabi ng tagapagsalita ng LRTA na si Atty. Hernando Cabrera, mula Huwebes Santo hanggang Linggo ng Pasko ng Pagkabuhay ay walang biyahe ang kanilang mga tren sa LRT Line 1 at Line 2.

Bandang 8 pm, Miyerkoles Santo ang alis ng huling commercial train sa magkabilang dulo ng LRT Line 1 (Baclaran at Roosevelt Terminal).

Habang sa Line 2, dakong 8 p.m. ang alis ng huling biyahe sa Santolan Station, at 8:30 sa Recto Station.

Ayon kay Atty. Cabrera, ang tigil operasyon ay bahagi ng kanilang taunang maintenance.

Ibabalik ang operasyon ng mga tren sa Lunes (Abril 6) dakong 5 a.m.

Jaja Garcia