2 coco farmer nangisay sa koryente

KALIBO, Aklan – Patay ang dalawang lalaki nang makoryente habang nangunguha ng niyog sa Altavas, Aklan kamakalawa.

Kinilala ni PO3 Venus Olandesca ng Altavas PNP station, ang mga biktimang sina Joseph Lorempo, 44, residente ng Man-up, Batan, at Ali Gonzaga, 46, ng Poblacion, Altavas.

Base sa report, habang nangunguha ng niyog si Lorempo ay nahulog ang isang bunga sa linya ng koryente dahilan para lumaylay ito.

Agad lumapit si Gonzaga upang ayusin ngunit bigla siyang nangisay dahil live wire pala ang kanyang nahawakan.

Nang makita ni Lorempo ang pangyayari, agad siyang bumaba sa puno ng niyog at tinulungan ang kaibigan, ngunit nangisay rin.

Agad isinugod sa Altavas District Hospital ang dalawa ngunit patay na nang makarating dahil sa malakas na boltahe ng koryente mula sa Aklan Electric Cooperative.