‘K to 12’ wala pang pondo

ni Tracy Cabrera

KINUWESTYON kahapon ni Suspend ‘K to 12’ coalition convenor Rene Luis Tadle ang kakulangan ng preparasyon para sa pagpopondo ng K to 12 program na pinipilit umanong isabatas ng Department of Education (DepEd).

Sa Tapatan sa Aristocrat media forum, idiniin ni Tadle na nabigo ang mga proponent ng panukalang batas na patunayang handa ang DepEd para maipatupad ang buong programa.

“Para mapaganda ng K to 12 ang kalidad ng basic education sa ating bansa, kailangan munang maglagay ng mekanismo na tutugon sa lahat ng mga isyu na lilitaw kaugnay sa mga problema ng kontraktuwa-lisasyon ng mga teacher at iba pang mga usapin,” aniya.

Sumang-ayon din kay Tadle si Alliance of Concerned Teachers (ACT) party-list representative Antonio Tinio na tumukoy sa problema ng mga guro, kakulangan ng silid-aralan, mga aklat at iba pang resource shortage na umaantala sa malayang pagpasok ng kabataan sa edukasyon.

“Para tunay na mapaganda ang ating edukasyon sa pamamagitan ng K to 12, kailangan munang maresolba ang ilang kakulangan. Nakalulungkot na wala ito sa panukalang batas,” ani Tinio.

“Sa paglikha ng 61,510 teachers item, hahatiin ng adminsitrasyong Aquino ang kasalukuyang kakula-ngan ng mga titser ngunit nabigo ang mga tumutulak ng K to 12 na ipakita na itong en masse hiring ay masu-sustain sa susunod na mga taon. At paano pa iyong ibang mga critical resources?” tanong niya.

Idinagdag pa ni Tinio na hindi pa nade-develop ng DepEd ang bagong curriculum para sa lahat ng mga grade level, kabilang ang Kinder at karagdagang da-lawang taon sa high school.