Dila ng rapist naputol sa kagat ng biyuda

ILOILO CITY – Naputulan ng dila ang 55-anyos lalaki nang kagatin ng 47-anyos biyuda na kanyang ginagahasa sa Brgy. Monpon, Barotac Nuevo, Iloilo kamakalawa.

Sa salaysay ng biktima, nagulat siya nang pinasok siya ng suspek na kinilalang si Logo Dominguez, 55, at pinaghahalikan at hinipuan sa pribadong bahagi ng katawan.

Habang hinahalikan, kinagat ng biktima ang dila ng suspek dahilan para maputol ang tinatayang kalahating pulgadang bahagi nito.

Agad naaresto ang suspek na idinahilan na may gusto rin sa kanya ang biktima.

Aniya, nagpunta siya sa bahay ng biktima para kausapin at hindi para gahasain dahil may pagtingin din ang biyuda sa kanya.