Traffic enforcer pinainom ng asido ng 3 holdaper

WALANG-AWANG pinainom ng asido makaraan holdapin ng tatlong lalaki ang isang traffic enforcer ng Metropolitan Manila Development Authority (MMDA).

Binawian ng buhay ang biktimang si traffic constable Alfredo Barrios makaraan ang insidente.

Sinabi ni MMDA Chairman Francis Tolentino, makahayop ang ginawa sa kanyang empleyado at kinakailangan ang malalimang imbestigasyon para sa agarang pagdakip sa mga suspek.

Ayon kay Tolentino, permanenteng empleyado at matagal na sa serbisyo si Barrios.

Base sa ulat ng pulisya, pauwi na si Barrios sa kanyang bahay sa Brixton, Camarin, Caloocan City nang holdapin ng tatlong lalaki.

Kahapon, ayon kay Tolentino, ay pumanaw na si Barrios.

Jaja Garcia