Nawalang pag-ibig mapababalik ba sa feng shui?

SADYANG masakit ang mawalan ng minamahal. Marami sa atin ang nakaranas ng magandang love relationship, ngunit nauuwi rin sa wala kalaunan.

Maaari bang makatulong ang feng shui dito? Makatutulong ang feng shui sa paghikayat ng energy of love patungo sa inyong buhay, ngunit hindi maaaring maging “person-specific.”

Upang matanggap ang energy of love, kailangan na ganap kang nakabukas para sa love, habang naka-focus sa specific person na hindi maitaboy ang flow of energy. Ito ay dahil pinapasok mo ang personal energy boundaries ng ibang tao.

Ang iyong dating karelasyon ay maaaring nasa kapareho mong emotional space, o maaaring pinili niya ang ibang space, ang kanyang sariling landas. Sa pamamagitan ng pagiging totoo sa iyong sariling landas, gayonpaman, tiyak na kung saan patungo ang iyong enerhiya, kaya naman dapat buksan ang iyong puso para sa kanya (kung posible) upang ma-clear ang “energy residue” sa pagitan n’yong dalawa.

Bagama’t hindi na muling mapanunumbalik ang relasyon, ito ay hakbang na naglalahad na ang pagmamahal ay naroroon pa rin, at sa pamamagitan ng pagpapakawala nito, ang enerhiya nito ay matatagpuan ang tamang daan patungo sa iyong ikabubuti. Gayonpaman, kung ang pagmamahal ay malakas pa rin at patuloy sa pagdaloy sa magkaparehong direksyon, maaaring may masumpungan kang magandang sorpresa.

Palakasin ang iyong sariling enerhiya, gayondin ay buksan ang iyong space para sa malakas na daloy ng energy of love.

Sa pagkakaroon nang malakas na personal energy field, matutulungan kang manatili sa sandali at mapaghilom ang iyong puso, at minsan sa pagpapahilom ay kasama ang pighati at pagtanggap sa nangyari.

ni Lady Choi