400 gramo ng shabu natagpuan sa mall

NATAGPUAN sa loob ng comfort room ng isang fast food chain ang tinatayang 400 gramo ng hinihinalang shabu kamakalawa ng gabi sa Pasay City.

Sinabi ni Pasay City Police Officer in Charge Sr. Supt. Sidney Sultan Hernia, nakatanggap sila ng tawag sa telepono mula kay Ramon D. Perez, security manager ng Kentucky Fried Chicken (KFC) Corporation, sa SM Mall of Asia Hypermarket Building, Sunset Avenue ng naturang lungsod, dakong 7:30 p.m. kaugnay sa insidente.

Nang magresponde sa naturang lugar ang mga awtoridad ay natagpuan nila sa CR ng naturang fastfood chain ang isang package na nakabalot sa transparent plastic o ziplock bag na naglalaman ng hinihinalang shabu.

Jaja Garcia