Phl Memory 2nd overall sa Singapore

ni ARABELA PRINCESS DAWA

 

NAG-UWI ng karangalan ang Philippine Memory Kids team matapos mahablot ang second overall sa Kids Division sa katatapos na 1ST Singapore Open Memory Championship na ginanap sa 1010 Dover Road Singapore Polytechnic Graduates’ Guild (SPGG) Singapore 139658.

Pumitas ng tatlong silver medals sa Names and Faces, Ten minute card at Speed cards ang grade five student ng Nangka Elementary School sa Marikina na si Dorothy Sorio Elenzano para iuwi ang silver medal overall.

Nasukbit din ni Elenzano ang bronze sa speed numbers.

Bumakas din ng bronze position sa Abstract Images at Binary digits event si Joel Micus Lolong para siguruhin ang pagkuha sa 2nd place sa event na may basbas ng Pinoy Memory Athletes Association INC.

Bukod kina Elenzano at Lolong ang ibang batang kalahok sa PMT na suportado ng Hotel Sogo Group at ni Honorable Marikina Mayor Del De Guzman at ng City Council ay sina Richard Sarcos, Philip Benitez at Nico Angelo Esperanza.