ABC prexy kritikal sa ambush  

NAGA CITY – Kritikal ang kalagayan ng isang incumbent ABC president ng Pamplona, Camarines Sur makaraan barilin ng hindi nakilalang suspek kamakalawa ng gabi.

Ang biktima ay kinilalang si Domingo Briones, barangay chairman ng Brgy. Tambo sa na-sabing bayan.

Ayon kay Senior Insp. Joel Sabuco, naganap ang insidente dakong 11:20 p.m. kamakalawa sa nabanggit na bayan.

Agad naisugod sa Mother Seton Hospital ang biktimang tinamaan ng bala ng baril sa kanyang ulo.

Inaalam pa ng mga awtoridad ang posibleng motibo sa pamamaril sa biktima na sinasabing nakatakdang kumandidato bilang alkalde ng nasabing bayan sa 2016 elections.

ABC prexy kritikal sa ambush.