Trader, anak utas sa ambush sa Antipolo

KAPWA patay ang isang negosyante at ang kanyang anak nang tambangan ng dalawang hindi nakilalang lalaki habang palabas ng kanilang bahay lulan ng kanilang sasakyan kahapon ng umaga sa Antipolo City.

Kinilala ni Supt. Arthur Masungsong, hepe ng Antipolo City Police, ang mga biktimang sina Richard Sola at Rica Sola, kapwa nakatira sa Sta. Elena Subd., Antipolo City.

Sa imbestigasyon ng pulisya, dakong 7:40 a.m. sakay ng Ford Escape (WTQ-116) mula bahay sa Sta. elena Subd. Ang mga biktma nang malapitang barilin sa ulo at katawan ng dalawang lalaking lulan ng motorsiklo.

Mabilis na tumakas ang mga suspek sakay ng motorsiklong walang plaka patungo sa direksyon ng Circumferential Road sa lungsod.

Nagsasagawa na ng follow-up operation ang Antipolo PNP kaugnay sa insidenteng pinaniniwalang may kaugnayan sa negosyo ni Sola.

Ed Moreno