Tinder user na-in love sa Sexy Robot

Kinalap ni Tracy Cabrera

NAKAIINIS at nakalulungkot na rin para sa mga nabigong manliligaw—nagawang makakilala ng mga Tinder user sa SXSW festival ng isang kaakit-akit na 25-taon-gulang dilag na ang pangalan ay Ava sa dating app.

Isa sa aming mga kaibigan ang nakipag-match sa kanya, at kalaunan ay nag-uusap na ang dalawa sa pamamagitan ng text.

Ngunit nang buksan niya ang Instagram ni Ava, naging malinaw sa kanya na mayroong mga bagay na dapat niyang malaman. May isang larawan at isang video, na parehong pino-promote ang Ex Machina, isang sci-fi film na nag-premier sa Austin. Ang link sa bio ni Ava ay sadyang tumuloy sa website ng pelikula. At lumalabas na ang babaeng nasa larawan ay Swedish actress pala na si Alicia Vikander, na gumanap bilang artificial intelligence sa nabanggit na pelikula.

Kakaiba kung paano umuugnay si Ava sa pelikula. Dangan nga lang na sa retrospect lang malalaman na ang mga katanungan ni Ava ay patungkol sa isang robot na nagnanais malaman kung ano ang pakiramdam na maging isang human, o tao.

May nagsasa-bing invasive ito, at ang iba pa’y nagpahayag na spammy. Kung iisipin din naman, labis lang nang bahagya sa porn bots ng Tinder. Pero dito naman, puwede nang palampasin dahil tunay na ‘strong fit’ sa konsepto. Isang robot siya sa pelikula, kaya siyempre robot din siya sa Tinder.

At sa kaibigan namin nakaugnay si Ava—na tunay namang nabighani sa kagandahan ni Ava—naging isang panloloko ang pananaw niya sa kanyang karanasan. Ngunit muntik na rin siya maging ‘bigo’ sa pag-ibig sa pahayag na…

“Pinaglaruan nila ang aking emosyon.”