Misis ini-hostage ni mister sa Pasig

ARESTADO ang isang lalaki makaraan i-hostage ang kanyang misis sa West Bank Road, Brgy. Maybunga sa Pasig City, nitong Martes ng gabi. 

Dakong 10 p.m. nang  i-hostage ng taxi driver na si Michael Elarmo ang kanyang misis na agad din niyang pinakawalan.

Ngunit armado ng baril si Elarmo na tumangging lumabas ng kanilang bahay at hindi agad nalapitan ng mga pulis at SWAT.

Dakong 3 a.m. kahapon nang mapakiusapan ng nga awtoridad ang suspek na sumuko. 

Depensa ng suspek, hindi hostage taking ang insidente dahil nag-away lamang sila ng kanyang asawa.

Ed Moreno