Jinggoy pinayagan makadalo sa graduation ng anak

PINAYAGAN ng Sandiganbayan 5th Division si Sen. Jinggoy Estrada na makadalo sa graduation ng anak na si Julian ngayong Martes.

Pansamantalang makalalaya si Estrada mula 2 p.m. hanggang 5 p.m. para dumalo sa pagtatapos sa high school ng anak sa OB Montessori sa Greenhills, San Juan.

Una rito, hiniling niya ang furlough mula 1 p.m. hanggang 7:30 p.m. para makasama ang pamilya sa picture taking.

Nakapiit sa PNP Custodial Center ang senador dahil sa pagkakadawit sa maanomalyang pork barrel scam.