Anak ginahasa, nabuntis ng pastor (Sa South Cotabato)

GENERAL SANTOS CITY – Nagtatago ngayon ang isang pastor sa T’boli, South Cotabato makaraan kasuhan ng rape dahil sa panggagahasa sa kanyang sariling anak na babae.

Sa ulat ng pulisya, kinilala ang suspek na si Rico Agao, ilang beses na ginahasa ang 16-anyos anak na dalagita.

Napag-alaman, nabuntis ng naturang pastor ang kanyang anak at kasalukuyang dalawang buwan nang nagdadalantao.

Hinihintay na lamang ng pulisya ang pagpapalabas ng warrant of arrest upang maaresto na ang suspek.