Textmate ni misis inatado ni mister

NAGA CITY – Halos mabiyak ang ulo at maputol ang kamay ng isang lalaki makaraan pagtatagain ng isang mister sa Sitio Salvacion, Brgy. Buensuceso, Gumaca, Quezon kamakalawa.

Kinilala ang biktimang si Ramon Hong III, 33-anyos.

Napag-alaman sa ulat ng pulisya, nalaman ng hindi na pinangalanang suspek na may lihim na relasyon si Hong at ang kanyang misis.

Kinompronta ng suspek ang kanyang misis makaraan mabasa sa cellphone ang mga text message na galing kay Hong.

Nagkaroon nang mainitang pagtatalo ang dalawa hanggang lumabas ng bahay ang mister at sinugod ang biktima.

Paglabas ni Hong, agad siyang sinalubong ng sunod-sunod na taga ng suspek.

Naisugod pa ang biktima sa ospital ngunit idineklarang dead on arrival ng mga doktor.

Patuloy ang imbestigasyon ng pulisya sa insidente habang tinutugis ang salarin.