P11-M sports car iba pa nasabat ng Customs

NASABAT ng mga tauhan ng Bureau of Customs (BoC) ang P11.1 milyong halaga ng sports car, computers at mga motorsiklo na tinangkang ipuslit sa Manila International Container Port.

Galing Japan ang kargamento na naka-consign sa Panda Vine International Trading at idineklara bilang 873 unit ng mga gamit na bisikleta.

Imbes bisikleta, kotse at motorsiklo ang laman ng container nang ito’y inspeksyonin.

Nasamsam din ang 1×40 footer container na naka-consign sa Capas Pottery and General Merchandise dahil sa under valuation ng mga computer.

Halagang US$17,409 lamang ang deklarasyon ng 672 units ngunit ang tunay na halaga nito sa valuation ay umabot sa US$296,352.