HATAW! D'yaryo ng Bayan hatawtabloid.com
ni James Ty III
NAKATAKDANG gawin ngayong hapon ang Cheerleading Competition ng National Collegiate Athletic Association (NCAA) sa Mall of Asia Arena sa Pasay City.
Magsisimula ang kompetisyon sa ala-una ng hapon kung saan magpapakitang-gilas ang sampung mga kolehiyo sa cheerleading sa pangunguna ng defending champion na University of Perpetual Help System Dalta.
Llamado ang Perpetual dahil kagagaling lang ito sa pagsali ng National Cheerleading Championships kung saan tumapos ito sa ikatlong puwesto.
Gagawin din ang pag-turn-over ng pagiging punong abala ng NCAA mula Jose Rizal U sa Mapua, kasama na rito ang pagbibigay ng general championship trophy at pagbibigay-kilala sa mga kolehiyong nagkampeon sa mga events tulad ng San Beda College sa men’s basketball at Arellano University sa women’s football.
Mapapanood ang NCAA Cheerleading nang live sa TV5.
