Trahedya sa Puso ng Isang Nagmamahal (Part 7)

SA HIRAP NG BUHAY NAGPAPLANONG MAG-ABROAD SI CHEENA

Pamaya-maya ay may lumabas ng bahay. Palapit ito sa kinatatayuan niya. Si Cheena! Nakilala agad siya nito.

“’Yong…” bati nito.”Ano’ng ginagawa mo rito?”

“Ikaw talaga ang pinuntahan ko…” sagot ko.

“’Di kita ma-invite sa bahay namin… Naputulan kami ng kuryente, e,” pagsasabi ng tapat ng dalaga.

“Okey lang…” ang nasabi ko.

“Ano’ng sadya, ‘Yong?” tanong ng dalaga sa binata.

“W-wala naman, Cheena… Napadaan lang ako,” pagkakamot niya sa ulo.

Binigyan si Yoyong ng dalaga ng mauupuang mono bloc. Pinaupo siya roon upang maging komportable ang kanilang pag-uusap. Naupo rin sa isa pang plastik na upuan. At nakipagkwentohan sa kanya ang dalaga.

“Wala na ako sa dati kong trabaho, ha?” pag-aanunsiyo ni Cheena kay Yoyong.

“Ha?!… B-bakit?” pag-uusisa niya sa da-laga.

“Endo (end of contract) na ako…”ang malungkot na pagbabalita nito.

“Makahanap ka sana agad ng bagong employer…” alo niya.

“Sana nga, ‘Yong,” ang pagdadaop ng mga palad ng dalaga sa tila pananalangin.

Napagmasdang mabuti ni Yoyong sa malapitan si Cheena. Higit itong maganda sa paningin niya. Payat pero kaakit-akit ang kabuuang anyo nito. Dahil siguro tunay ang pagmamahal niya sa dalaga.

“Maaga ang lakad ko bukas sa pag-aaplay ng trabaho,” ang pahiwatig nito sa kanya sa maagang pagbaklas sa kanilang pagkukwentuhan.

“Ah, okey…” pagpapatianod niya. “Saan ka mag-aaplay?”

“Sa isang agency…” ang maagap na tugon ni Cheena.

Hindi alam ni Yoyong na sa abroad pala ang tinarget na trabahong ni Cheena. Dakong huli na lamang niya nalaman iyon.

“Malaki ang job opening sa Dubai… Matanggap sana ako du’n,” ang nilalaman ng text sa kanya ng dalaga. (Itutuloy)

 

ni Rey Atalia