MMDA constable inutas sa inoman  

PATAY ang isang constable ng Metro Manila Development Authority (MMDA) makaraan pagbabarilin habang nakikipag-inoman sa kanyang mga kapitbahay sa Pasig City kamakalawa.

Kinilala ang napatay na si Alvin Marcos y Caparas, nasa hustong gulang, at nakatira sa Blk. 09 Lot 22, Mangga-II, Centennial 1 ng lungsod.

Habang arestado ang suspek na si Urpe Tadia, 36, merchandizer, ng Blk. 10, Lot 2, Visayas St., Mangga-II sa nabanggit na lugar.

Ayon kay SPO1 Jose Ronnie Geronimo, dakong 4:30 p.m. kamakalawa nang maganap ang pamamaril sa Tupas St., Centennial 1, Brgy. Pinagbuhatan, ng lungsod.

Napag-alaman, nakikipag-inoman ang biktima sa suspek at iba pang mga kapitbahay nang magkaasaran ang dalawa.

Pagkaraan ay biglang bumunot ng baril ang suspek at ilang beses na pinaputukan ang biktima.

Ed Moreno