Pagtatalaga sa key posts idinepensa ng Palasyo

NAGPALIWANAG ang Malacanang kung bakit natatagalan ang pagtatalaga ni Pangulong Benigno “Noynoy” Aquino III sa mahahalagang bakanteng puwesto sa gobyerno.

Kabilang sa ilang buwan hindi pa napupunan ang Commission on Elections (Comelec), Commission on Audit (CoA), Civil Service Commission (CSC) at PNP.

Sinabi ni Deputy Presidential Spokesperson Abigail Valte, maituturing kasing high-level appointments ang mga posisyon kaya maingat dito ang Pangulong Aquino.

Ayon kay Valte, constitutional commissions din ito na may termino at hindi lang political appointments kaya nais makatiyak ni Pangulong Aquino na ang pinakakuwalipikado ang maitatalaga.

Iaanunsiyo na lamang aniya kapag nakapili na ang Pangulong Aquino.