Notoryus na kidnaper arestado sa Quezon

NAGA CITY – Bumagsak na sa kamay ng mga awtoridad ang isa sa pinaka-notoryus na kidnapper sa bansa makaraan ang operasyon ng mga pulis sa Brgy. Domoit, Lucena City kamakalawa.

Kinilala ang suspek na si Resty Branzuela, 30-anyos. Kasama sa inaresto ang misis ng suspek na si Andrea Licay Branzuela.

Sa imbestigasyon ng pulisya, nabatid na lider ang suspek ng GA-GA gang na sangkot sa mga carnapping at pagnanakaw sa Metro Manila at maging sa kalapit na mga probinsya.

Napag-alaman din na may mga warrant of arrest na ang suspek kaugnay sa kidnapping for ransom na ipinalabas ni Hon. Judge Ma. Rita Sarabia ng RTC Branch 99.

Sinasabing number 4 most wanted person ang suspek sa National Capital Region at number 3 most wanted sa buong bansa.

Sa ngayon, nasa kustodiya na ng Lucena Municipal Police Station ang suspek.

R. Sarnate