HATAW! D'yaryo ng Bayan hatawtabloid.com
NAGA CITY – Bagsak sa kulungan ang isang lalaki at ang sinasabing kanyang kalaguyo makaraan ireklamo ng kanyang misis sa pulisya sa Lucban, Quezon.
Nabatid na dinadala ng 32-anyos mister ang kanyang 23-anyos kalaguyo sa kanilang bahay nang makailang beses kahit naroroon ang tunay niyang misis na si Ana, 27-anyos.
Madalas ay doon natutulog ang babae at siyang katabi ni mister sa kanilang kwarto.
Dahil sa labis na sama ng loob, hindi na nakatiis pa ang biktima kaya nagsuplong na sa pulisya.
Agad tinungo ng PNP ang bahay ng biktima at nadatnan ang mister at ang kanyang babae na magkatabing natutulog sa kwarto.
Bunsod nito, hinuli ng mga pulis ang dalawa at ikinulong.
Desidido siAna na ituloy ang kasong paglabag sa RA 9262 at concubinage sa mga suspek.
