Panaginip mo, Interpret ko: Napapaganipan ang ka-M.U.

Dear Señor H,

Bakt kya palage na lang si Cesar ang napapanaginipan ko? Hndi naman nagng kmi, i admit we have a feelings to each other, pero bwal maging kmi. Pero gusto namin. Bakt kya ganun? Anu kya ang ibg sbhn nun. ’Chachi’ nga po pala from Cainta. (09363742170)

To ’Chachi,

Iyon ang rason kaya mo napapanaginipan si Cesar, dahil may damdamin ka para sa kanya. Natural lang na kapag mahal mo o may feelings ka sa isang tao, madalas ay laman siya ng iyong isipan, kaya mas malaki ang posibilidad na mapanaginipan mo siya.

Pero dahil sinasabi mo na bawal maging kayo, mas makabubuting itigil mo na o supilin mo na ang iyong nararamdaman para sa kanya. Kahit pa sabihin mong gusto ninyo, kung ito naman ay hindi tama o hindi makakabuti para sa inyo at sa mga tao sa paligid ninyo, pinakamabuting desisyong magagawa ninyo ay iwasan ninyo ang isa’tsa isa at ibaling ang isipan sa ibang bagay o ibang tao. Bago pa mahuli ang lahat, ilagay sa iyong utak na ang panaginip mo ay maaaring mauwi sa bangungot at makasakit sa ibang tao, kung hindi ninyo titigilan ang isang bagay na bawal at hindi mabuting gawin. Tandaan na ang pagsisisi ay laging nasa huli. Good luck sa iyo and God bless.

Señor H.